*Prabhava* Books * Handicrafts * Toys * Stationary * Handlooms * A Center for Trinity College London ESOL Courses * Prabhava Play School * Prabhava PrePrimary School * prabhava Toddler Care* పుస్తకాలు * హస్తకళ * చేనేత * బొమ్మలు * మన సభ్యత సంస్కృతి * మన ఊరి కళాకాంతి * మన ముంగిటి చిట్టిచేమంతి * ప్రభవ * పిల్లల చిట్టిరచనలు చిన్నికవితలు * తెలుగు ఇంగ్లీషులలో *Prabhava*

Tuesday, December 23, 2014

మీ పిల్లలకోసం ... కానుక!

కాలాలు మారినా పిల్లలు మారేనా?ఇది పిల్లలకు ముచ్చటగా కానుకలు తీసి ఇచ్చే కాలం కదా! 
మరి, మీరు మీ పిల్లలకోసం ఏమి కానుకలు ఇవ్వ బోతున్నారు ? 
మా పిల్లల కోసం శీతాకాలం పాటలు వెతికి వడపొస్తోంటే , ఈ ఆణిముత్యం దొరికింది.


మొదటిది అసలు సిసలుది.

రెండొది..ఇప్పటిది. 


చూడండి.. 
1. https://www.youtube.com/watch?v=2Dec9Jb_Ac4
2. https://www.youtube.com/watch?v=HH4ZU7LNbUU


Merry Christamas !

Prabhava,Books and Beyond ! * All rights reserved.

Monday, November 17, 2014

తోలు బొమ్మల ప్రదర్షన -అధ్యయన శిబిరం

తోలు బొమ్మలాట
సినిమాకు అమ్మట !
కేతిగాడు . బంగారక్కలు
                          తెర మీది తొలి హాస్యగాళ్ళుట.                                   
 ఇక, పంచతంత్ర కథలకు పరిచయం దేనికి ?
తోలు బొమ్మలాట , పంచతంత్ర కథల ప్రచారమే ధ్యేయంగా , రిషీ వ్యాలీ పల్లె బడి పిల్లలు మన ముందుకు తెస్తోన్న కార్యక్రమం  .  అంతే కాదు, తేమ , ధూళి లతో వాతావరణ సమస్యలను తట్టుకోవాల్సిన   తోలు బొమ్మలను ,సులభతరం చేసి,  “ షాడో పప్పెట్రీ   “ని బడి పాఠాలకు  వారు అన్వయించుకొన్నారు.
అటు తోలు బొమ్మల ప్రదర్షన ,  ఇటు తరగతి గదిలో వాటి ని పాఠాలకు వాడకం  గురించిన  అధ్య శిబిరం , మన ఊరిలో  ఒకే మారు నిర్వహిస్తున్నాము.
ఆత్మీయ అతిథి   :           శ్రీ విఠపు బాలసుబ్రమణ్యం గారు ,
                                        MLC ,  నెల్లూరు.
సమయం :                    మధ్యాహ్నం 2 గంటల నుండి 5 గంటల వరకు 
తేదీ  :                           20 ,నవంబరు ,2014
 స్థలం  :                       ప్రభవ  బడి, పొగతోట ,నెల్లూరు.
తరగతి గది లో వాడే పప్పెట్రీ కిట్  వెల : 500/-    పప్పెట్లు, క్యాసెట్ల తో బాటు అనేక ఆర్ట్స్ మరియు క్రాఫ్ట్స్ పరిచయం చేయబడతాయిఆసక్తి గల ఉపాధ్యాయులను, విద్యార్థులను ఆహ్వానిస్తున్నాము


ప్రభవ , నెల్లూరు    0861-2337573,2333767     ఋషీవ్యాలీ గ్రామీణ విద్యాకేంద్రము, ఋషీవ్యాలీ        మదన పల్లె


***




Prabhava,Books and Beyond ! * All rights reserved.

Friday, September 12, 2014

ఈ సంగతి విన్నావ్ ?


పరుగున పరుగునా రారండి..
ప్రభవ పల్లె బడి తెరిచారండి.

అమ్మా నాన్నా,అవ్వాతాతా, అక్కా అన్నా, 
వదినా అత్తా, బాబాయ్ పిన్నావ్..
ఇదిగిదుగో...
                                                             ఈ సంగతి విన్నావ్ ?

భాషలేవో నేర్పుతారంట... 
కళలలో  పాఠాలంట...
ఏమిటేమిటో అన్నారమ్మా...!!!
చక చక మనము వెళదామా...
చూసి నేర్చి వద్దామా.. !

ఆహ్వానం :
ఫ్రభవ పల్లె బడి కేంద్రం, భాషాకళల తరగతులు. 
అల్లూరులో ప్రారంభం. వయోపరిమితి లేదు. 
మొదటి తరగతి : ఈ శనివారం , 13 సెప్టెంబర్,2014 ఉదయం 9 గంటలకు
వివరాలకు సంప్రదించండి: ప్రభవ (0861)2337573/2333767
శ్రీధర్ రెడ్డి గారు, Cell : 9492801032 , 7674920777 Land :08622256544

***
Prabhava, An Institution for Language and Art,
announces it's first Satellite Rural Center at Alluru, Nellore DT.

Classes begin from Saturday, 13 September ,9AM.
Interested children and adults are requested to register on or before Saturday.

Contact "Prabhava School ,Nellore (0861)2337573,
Prabhava Book Store , Nellore (0861) 2333767
Sridhar Reddy Meda,Alluru, Cell : 9492801032 , 7674920777 Land :08622256544


You are Welcome !
  
***
http://chandralata.blogspot.in/
http://chandralata.blogspot.in/2014/09/blog-post_9.html


Prabhava,Books and Beyond ! * All rights reserved.

Friday, August 29, 2014

బుజ్జి బొజ్జయ్య !


ఓ బొజ్జ గణపయ్య 

నీ బంటు నేనయ్య
ఉండ్రాళ్ళ మీదకు 
దండు పంపు.

కమ్మనీ నెయ్యి తో 
కడు ముద్ద పప్పును
బొజ్జ నిండా తినుచు
నిన్ను కొలుతు.



  ఉండ్రాళ్ళు కుడుములు ప్రాప్తిరస్తు ! 

వినాయక చవితి శుభాకాంక్షలు! 



Prabhava,Books and Beyond ! * All rights reserved.

Wednesday, June 11, 2014

Three ..Two...


Welcome to  School ! 
Once again , Count Down begins !
THREE...TWO...!


***
Prabhava,Books and Beyond ! * All rights reserved.

Friday, June 6, 2014

మానుమల్లి కమ్మదనం

"మన భూమి మల్లాంలో గుండ్రంగా ,జల్లల దొరువులో చదరంగా 
ఉంటాది." అంటారట  ప్రళయ కావేరి వొడ్డున పెరిగే గడుగ్గాయిలు ! 
 ఇలాంటి చెణుకులుఎన్నో స వెం రమేశ్ గారి కలం విదిలింపుల్లో!
 తిట్లు చెట్లు వ్యవసాయ పనిముట్లు,,వానకోయిల మద్యపానం , చీమక్క దోమక్క కాకమ్మ గువ్వమ్మ .. మూలికలు మూలవైద్యాలు , డా.అగరం వసంత్ గారి రాతల కోతలు.. జీవన వెతలు ...జీవిత కతలు .. "తెల్ల కొక్కెర్ల తెప్పం
"మా ఎత్తీస్తారా? " అన్న ప్రశ్న నుంచి పుట్టిన "కడసీ కోరిక" "ఆ అడవంచు పల్లెలో " "పదహారు పొద్దులు "  అత్తవాన పొంగలి  " పెట్టి "పాటల పెట్టి" రాగాలు తీసే "గూడూ చెదిరిన అవ్వ" కతలు ... ఎర్నూగు పూలు ..విజయ లక్ష్మి గారు ఈ  " ఎర్నూగులు"గా పిలవబడే వెర్రి నూగుల పూల సౌందర్యాన్ని తలపింప జేసే  ఈ భాషా సౌందర్యం , గాసటను పోగొట్టి సేద తీర్చే చల్ల గాలిలా ,
కథలనంతా కమ్ముకొని ఆనందాన్ని కలిగిస్తుంది ఆ అని అంటారు విజయ లక్ష్మి గారు. 

 తెలుగు ,తమిళ, కన్నడ ప్రాంతాలలో మూడు ముక్కలైన తెలుగు బతుకుల వెలుగులు ఒకటే అని గుర్తించ మంటాయి. " మొరుసు నాడు కతలు"
ఇక, "ఇరుల దొడ్డి కతలు  గిరిజనులతో పెనవేసుకొని పోయినవి. నంధ్యాల నారాయణరెడ్డి గారి చమత్కారాలు. జీవితం తో ముడిపడిన  పర్ధాన్ గోండుల జీవిత కతలు. బన్నేరు గట్ట అడవీ ప్రాంతం , గేదర చెట్లు 
, ఆ కొండల బండల మీద చిన్నపాటి చెరువంత దొనలు , పాండవగవులు, మాగడి కెంప రాయడి కోట, కైవారం నారాయణ తాత పాట.. వెరశి " ఇరుల దొడ్డి కతలు" పార్దీవ  శరీరాలను విడిచివచ్చే పాండవగవులు , బౌద్ధం ఆనవాళ్ళు అంటారు విజయ లక్ష్మి గారు. 

ఇక, చెన్న పట్నం చేరి  చెడే వాళ్ళ ను విన్నామే కానీ,
చెడి చెన్న పట్నం చేరిన వారి కతలు తెలుసుకోవాలంటే,  ఇంట్లో తెలుగు వీధిలో తమిళం  మాట్లాడుకొనే  తొండనాడు జీవితాలు, తెలుసుకోవాలంటే   తొండనాడు కతలు."  చదివి తీరాల్సిందే మరి.

ఇందులో , తొండనాడు ప్రాంతపు తమిళ కతల తెలుగు అనువాదాలు కూడా ఉండడం విశేషం .

ఇక ,అన్నిటికీ తలమానికం  " శ్రీ రాయంగల శ్రీ కృష్ణ రాజనారాయణ పెరుమాళ్ రామానుజం నాయకర్  గారు, తమిళులు అభిమానం గా పిలుచుకొనే మాండలిక పితమహుడు ,కీరా,   తమిళం లో రచించిన " గోపల్ల గ్రామం" అనువాదం " గోపల్లె . ఇది ఒక వ్యక్తిత్వ వికాస గ్రంథం అంటారు విజయ లక్ష్మి గారు.
వందలాది సంవత్సరాల క్రితం తమిళ నాట ,రేగడి ప్రాంతానికి చేరుకొన్న తెలుగు వారు ,అక్కడ వారి జీవన పోరాటం గోపల్లె నవల .నంధ్యాల నారాయణ రెడ్డి గారి అనువాదంలో . 
***. 
ఇన్ని పుస్తకాల కతలూ పొరుగు  తెలుగు కతలు పేరిట  ఒక్క చోట అందించిన వారు డా. రాయ దుర్గం విజయ లక్ష్మి గారు. ఇవి చెన్నై ఆకాశవాణి  సాహిత్య కార్యక్రమాలలో ప్రసారం చేయబడిన రేడియో ప్రసంగాలు. నాగసూరి వేణుగోపాల్ గారు ఈ కార్యక్రమ నిర్దేశకులే కాక, ఈ ప్రసంగాల సంకలనానికి ముందుమాట కూడా రాసారు. 
వారంటారు , ప్రతి సమీక్ష ఎలా ఉండాలంటే ," సంక్షిప్తంగా ,సరళంగా, నిరక్షరాస్యులు అందుకొనేలా , రేడియో ప్రసంగంలా ఉండాలి అని  " ఈ రచనలను చదివితే, "రేడియో కోణంలో సిద్దించే శిల్పం ఏమిటో అవగతమవుతుంది. సవ్యంగా ఒదిగిపోవడంసరిపోదు ,అది వేగంగా కూడా నడవాలి " అంటూ నాగసూరి , ఆ దిశగా విజయ లక్ష్మి  గారి కృషిని వివరించారు ." విజయ లక్ష్మి గారు నిజమైన విద్యార్థిలా శ్రమించారు. నమ్రతగా కృషి చేశారు. సాహిత్యం ,భాష అనే దృష్టి కాకుండా కథల్లో చిత్రించిన జీవితం ఏమిటో చెప్పాలని.  కనుక విషయం ,వివరించవలసిన కోణాలు విశేషంగా ఉంటాయి. ఇందులో ఒక రచయిత కాకుండా పలువురు రాసిన  కథలే ఎక్కువ. "

సుక్క పుట్టే పొద్దు ,కన్ను కొరికే పొద్దు   అంటూ పొద్దు పొడిచే దగ్గర నుంచీ పొద్దుగూకే వరకు సాగే  జీవితాలు ,   వంపులు తిరిగే వంకలకు  పెట్టుకొన్న చక్కటి తెలుగు పేర్లు ,తల్లి వంక , తండ్రి వంక ,అన్నదమ్ముల వంక, అక్కచెల్లెళ్ల వంక ... ఆపై ఇంగ్లీషు పదాలకు తెలుగులో పిలుచుకొనే సృజనాత్మకత.... మిన్నులివు ( రేడియో) ,అల పలుకి (టెలిఫోన్) ,చే పలుకి ( సెల్ ఫోన్)... చదువుతున్న కొద్దీ ,
 తల్లి నుడిపై వారికున్న మమకారంతో వ్యక్త పరుస్తూనే, మనకొక హెచ్చరిక గా నిలబడతాయి ఈ పొరుగు తెలుగు కతలు. 
నిస్సందేహంగా.  
          "గాలి వాన కు పడిపోయినా ,ఒళ్ళంతా చిగురించి తలెత్తుకొని తన ఉనికిని  సగర్వంగా చాటుకొనే మానుమల్లి  పూలవాసనలు మనసంతా ఆక్రమిస్తాయి. "
 మరో సారి .


                                     ప్రతులకు
    చేపలుకి :            
డా.అగరం వసంత్  (0)9488330209/ 7795094148
స వెం రమేశ్ :  (0) 8500548142   
ఉమా మహేశ్వరరావు 8985425888

***
ప్రభవ (0861)2333767/ 2337573
prabhava.books@gmail.com

***


Wednesday, May 28, 2014

యట్లెట్లా! అట్లెట్లే !

"సూడండప్పా ఇనుకోండమ్మా. నేను ముంద్రే సెప్పతా ఉండా,
ఎవురు ఏమి ఎబుడు ,ఏడ అని నన్ను అడగొద్దండ,నడిసిండేది రాస్తా ఉండా ,
సదివితే సదవండా ఇంటే ఇనండా ,
నన్నేమన్నా అంటిరో ,నేను అర్దర్కులు నాయాలే కాదు ,
శానా తక్కువ నా కొడుకుని ... ఇట్లు ఈ కత రాసినోడు.
"యట్లెట్లా ఇంగో కీత సెపు సామీ ఆ సుద్ది " వక్కాకు నమలతా అనే మా అవ్వ .
"మోవ్ ! ఎన్ని కితాలు ఎట్లెట్ల సెప్పినా అదంతే. 
శంబూకుడు తప్పుసేసే తబుసు సేసి. శీరాముడు వాని తలా నరికె" కోపముగా అనిరి సాములోళ్లు. 
"ఇంత బిర్న కోపము సేసుకొంటే ఎట్ల సామీ! 
మేము ఎన్ని యుగాలనింకా కోపము సేసుకోకుండా ఉండాము.
నిదానము .నిదానము సామీ " సున్నము నోట్లా యేసుకొని మాట్లాడే అవ్వ
( యట్లెట్లా! నుంచి)


రచయిత వైద్యుడు కదా.ఆయన వృత్తి నైపుణ్యాన్ని కూడా ఈ కతల్లో నింపిరి. 
కొన్ని తావుల్లో చేదు మందులు మింగిస్తారు. కొన్ని తావుల్లో చురుక్కుమని సూదితో పొడుస్తారు. 
కొన్ని తావుల్లో  మలాము పూసి మెత్తని  కట్టు  కడుతారు. 
పత్రికల తెలుగులో లేదు కదా అని  ఈ కతలను పక్కకు పెట్టంద్దండీ. పత్రికల తెలుగు అద్దాల అరల్లోని అందాల బొమ్మ అయితే, తావు తెలుగు చెమటను చిందించి సాకే అమ్మ.
 "మా తావు తెలుగు కాదు కదా " అని ముఖం చిట్లించకండి. 
తెలుగు తల్లి కనిన గారాబు బిడ్డ మా హోసూరు తెలుగు. 
మా తెలుగు తావి మిమ్మల్ని కమ్ముకొని జోకొడుతుంది.
 నిజమైన మాట ఇది. నమ్మకం లేక పోతే మొదలు పెట్టి చూడండి. 
నంద్యాల నారాయణ రెడ్డి (+91 9360514800)
***
నా తావుకి వచ్చే రోగులకి మందులిచ్చి పంపేయకుండా ,
బిడువు చేసుకొని రవంచ పొద్దు వాళ్ళతో మాట్లాడతా ఉంటాను. 
అంతకు ముందర ఎపుడూ విని ఉండని మాటలు వస్తే,
వాటిని జోపానముగా రాసి పెట్టుకొనేది అలవాటయ్యింది. 
ఇట్లా మాటలని మూటకట్టుకొంటా ఉండిన నాతో ,
" ఇంకొక కతల పుస్తకం తేవాలని" రమేశప్ప చెప్పిరి. 

ఇట్లా రాస్తా రాస్తా హోసూరు మాండలికమనే విమానమెక్కి, 
ఆంధ్రా అసెంబ్లీ లో దూరి,దేశమంతా పారాడి, మంచీ చెడ్డలు చూసి,
 భూమమ్మ కూతురికీ పొద్దప్పకొడుకీ పెండ్లి చేసి  మబ్బు దేవునికి మొక్కి వస్తిని.
డా. అగరం వసంత్ 


54  కతలు 
వెల :  రూ.100/- 

చేపలుకి :
డా.అగరం వసంత్  (0)9488330209/ 7795094148
స వెం రమేశ్ :  (0) 8500548142   
ఉమా మహేశ్వరరావు 8985425888

***
ప్రభవ (0861)2333767/ 2337573
prabhava.books@gmail.com


Prabhava,Books and Beyond ! * All rights reserved.

Monday, May 26, 2014

మోతుకుపూల వాన

మోతుకుపూలంటే ..?!?
దారంతా ఉవ్వెత్తున లేచిన మంటలా ఎర్రగా విరబూసిఉన్నాయి...అవేనా?
ఊహూ ..కాదు. అవి అగ్ని పూలు.
సభాప్రాంగణం వాకిట్లో తమ రేకులతో ఎర్రతివాచీ పరిచాయి... అవేనా ?
కానే కాదు. అవి తురాయి పూలు.
మరి మోతుకుపూలంటే ఏందబ్బా.. త్వరగా చెప్పూ..
మా బతుకులు !


పూలచినుకులు ..
పంతొమ్మిది రచయితల కథలు.
వెల -80/-
ప్రచురణ: కృష్ణగిరి రచయితల సంఘం,హోసూరు
ప్రతులకు : 

కృష్ణగిరి జిల్లా తెలుగు రచయితల సంఘం, 
2-1095, ఆవులపల్లి రోడ్,బస్తి,హోసూరు-635109,
కృష్ణగిరి జిల్లా,తమిళనాడు.

చేపలుకి :
స వెం రమేశ్ :  (0) 8500548142   
ఉమా మహేశ్వరరావు 8985425888
డా.అగరం వసంత్  (0)9488330209/ 7795094148
***
ప్రభవ (0861)2333767/ 2337573
prabhava.books@gmail.com



Prabhava,Books and Beyond ! * All rights reserved.

Saturday, May 24, 2014

సొంపూ సోయగం


నిండా పంతొమ్మిదేళ్ళు రాని వయసులో రాయడం మొదలెట్టి ,
ఈ కొద్దికాలంలోనే తన రాతలను ఒక పుస్తకరూపంలో అందుకొంటున్న ఆ క్షణాన 
సుమను చూస్తే ఎంత ముచ్చటేసిందో ! 

ఆ పూట కార్యక్రమాన్ని తన స్నేహితురాలితో పాటు ,
తెలుగుతల్లికి మల్లెపూదండ వేసి ప్రారంభించినా, 
వేదిక మీద కు రావడానికి బిడియ పడుతూ సిగ్గు పడుతూ ,
పాటలొలికిన ఆ నోటిలో మాటలు కరువయినట్లు, 
ఆర్తిగా మప్పిదాలు పలికి
గబుక్కున వెళ్ళి తన కుర్చీలో కూచున్న వైనం ,  
మన తెలుగు కతకు వేసిన సరికొత్త చిగురు పసిడి మొగ్గ లా తోచింది.
 సుమకు అనేకానేక శుభాకాంక్షలు. 
తనలానే అనేక సుమాలు మోసులెత్తి 
తెలుగుకతమ్మవడి నింపాలని కోరుకుందాము.
***

దేవిశెట్టి పల్లి మాలగేరిలో ఒక పేద ఆలూమగలైన రామక్కకెంచప్పలకు పుట్టిన మా మునిరాజన్న కతలు రాసేది మొదులు పెట్టినంక ,ఆయనకనే ఒక మరియాదను నలుగుర్లో సంపాదించుకొన్నాడు.
అదంతా చూస్తా ఉంటే నాకు కూడా ఏదన్నా రాయాలనిపిచింది. 
ఏమి రాయాల అని యోచనలో ఉంటే ,
మా మునిరాజన్న ఒక నాడు నాతో ,
" మన ఇండ్లల్లో చేసునే వంటల్ని రాయుమని చెప్పిండాడు రమేశయ్య ,
రాస్తావా బిడ్డా " అన్నాడు .
నేను ఎగిరి గంతేసి సరే అంటిని ,కాగితమూ కలమూ తీసుకొని మొదులు పెడితిని. 
బిరబిర ఒబ్బట్ల వంటకము గురించి రాసి మా అన్న చేతిలో పెడితిని. 
నేను రాసిండే దానిని చదవతా పడి పడీ నగుతా ఉండాడుమునిగాడు. నాకు రేగిపోయింది. 
"ఏమయింది నా రాతలకి ఏల అట్లా  నగేది,చెప్పి చావు " అని అరిస్తిని. 
అపుడు చెప్పినాడు మా అన్న ," తిక్కల బిడ్డా,మా టీవి లో వచ్చే మా వూరి వంట చూసేసి 
అదే మాదిరిగా రాసేస్తే ఎట్ల?"
నిజం చెప్పాలంటే నాకు వంట చేసేది అంత బాగా రాదు.
మా అమ్మా పిన్నమ్మా ఒదినలే మాఇంట్లో వంటచేసేది.అందుకే
ఈ కతల్లో వంట తక్కువ .మా అమ్మ బతుకే ఎక్కువ. 
ఈ కతల్లో చానా వంటలకు కొలతలు చెప్పలేదు నేను.
కొలిచిచేసే వంటలు ఎట్లుంటాయో మీకూ తెలుసు . నాకూ తెలుసు.


నా పేరు ముందు ఉందే రామక్క ,ఆమే నన్ను కన్నతల్లి. 
అబ్బ పేరునే మా పేరుకు ముందు పెట్టుకుంటాము. 
నేను మా అమ్మ పేరు పెట్టుకొంటిని.
ఏలంటే అమ్మ లేక పొతే నేను లేను. నా పుటక లేదు. 
నా చదువు లేదు. ఈ కతలు లేవు. మీతో చెప్పుకొనేకి ఇన్ని మాటలు లేవు. 
అందుకనే ,మీ అట్లా పెద్దోళ్ళతో మాట్లాడే తెంపు కోసరమే పేరులో కూడా అమ్మను తోడు తెచ్చుకొంటిని.
ఇంతకీ  మా వంటలు బాగుండాయో లేదో చెప్పనే లేదే మీరు !
రామక్క గారి సుమ

ముఖ చిత్రం : " పత్రచిత్రకారిణి " డా.లక్ష్మీ సుహాసిని 
తన పుస్తకాన్ని కొని చదవడమే సుమకు మనమిచ్చే ప్రోత్సాహం !
సుమ పుస్తకం ప్రతులకు:
కృష్ణగిరి జిల్లా తెలుగు రచయితల సంఘం, 
2-1095, ఆవులపల్లి రోడ్,బస్తి,హోసూరు-635109,
కృష్ణగిరి జిల్లా,తమిళనాడు.

చేపలుకి :
స వెం రమేశ్ :  (0) 8500548142   
డా.అగరం వసంత్  (0)9488330209/ 7795094148
సుమ  (0) 9715420303 
ఉమా మహేశ్వరరావు 8985425888

***
ప్రభవ (0861)2333767/2337573
prabhava.bppks@gmail.com
Related Link : More Photos :http://chandralata.blogspot.in/2014/05/blog-post_24.html

Saturday, May 10, 2014

చదవగలిగినంత !

ఒక పుస్తకం విలువను కొలవవలసింది ఆ పుస్తకం నుండి మనం గ్రహించిన సారాంశంతో మాత్రమే. 
The worth of a book is to be measured by what one  can carry away from it.

***

వేసంకాలపు చల్లటి కబురు !
అమూల్యమైన పుస్తకాలను తగ్గింపు ధరలలో...ఈ నెల పదిహేనో తారీఖు వరకు మాత్రమే నండోయ్ !
తెలుగు, ఇంగ్లీషు,  కొన్ని హింది పుస్తకాలు కూడాను. పిల్లల పుస్తకాలపై కొద్దిగా ఎక్కువ తగ్గింపు!
కొని చదవ దలుచుకొన్నవారికి చదివించాలనుకొన్న వారికి , కొనదగినంత !
***
Prabhava
prabhava.books@gmail.com     (0861)2333767












Prabhava,Books and Beyond ! * All rights reserved.

ఏకాంత నృత్యం

Siva Somayajula

https://www.facebook.com/syaji0 


"వేదికనలంకరించిన పెద్దలకీ, విచ్చేసిన అతిధులకీ కూడా నా నమస్సులు

పగడమల్లెలు”, అచ్చులో వచ్చిన నా మొట్టమొదటి కథ
నా మొదటి కథకికథా సాహితిలో దక్కుతున్న గౌరవాన్ని గురించి నవీన్ గారు నాకు -మెయిల్ ద్వారా తెలిపినప్పుడు,

ఒక నిమిషం పాటు నా కాళ్ళు నేల మీద నిలువలేదు. సినిమాల్లో చూపించినట్టు చిన్నపాటిఏకాంత నృత్యంచేశానన్న మాట.

ఒక కొత్త కథకుడికి కథకి ఇలా తెలుగు కథాప్రపంచంలోని దిగ్గజాల కథల పక్కన ఉండే స్థానం కలిపించిన నవీన్ గారికీ, శివశంకర్ గారికీ హృదయపూర్వకంగా ధన్యవాదాలు తెలుపుకుంటున్నాను.

కథ రాయటానికి ప్రోత్సహించీ, ఓపికగా పలుమార్లు ఎడిట్ చేసిన నారాయణ స్వామి గారికి కూడా సభాముఖంగా కృతజ్ఞతలు తెలియజేసుకుంటున్నాను.

ఆంధ్రజ్యోతి కథా ఎడిటర్ వసంత గారికీ, కథ చదివి వారంతట వారుగా నాకు ఎన్నో అభినందనలు, ప్రోత్సాహకర వ్యాఖ్యలూ అందజేసిన తోటి రచయితలకు కూడా సందర్భంగా ధన్యవాదాలు అందజేసుకుంటున్నాను.


కథ నేపథ్యం గురించి చెప్పాలని ఉన్నా, ఎన్నుకున్న కథనప్రక్రియ వల్ల,
చెప్పకపోతేనే, కథకూ, కథను ఇంకా చదవని పాఠకులకీ కూడా,
న్యాయం చేసినట్టు ఉంటుందని నా అభిప్రాయం. కనక ఇక్కడితో ఆపేస్తాను.

చివరిగా, నేనక్కడ ప్రత్యక్షంగా లేనప్పటికీ, అభిమానంతో, నే చెప్పదలుచుకున్న మూడు నాలుగు ముక్కలను
నా తరఫున మీకు అందజేస్తున్న, చంద్రలత గారికి నా ధన్యవాదాలు. "

***

Prabhava,Books and Beyond ! * All rights reserved.